RTV AHIRETI
FeaturedKosovëLajmeLajmet

Ministria e Tregtisë e vendos çmimin e ri për derivate, disa naftëtarë nuk po e përfillin vendimin

ministria-e-tregtise-e-vendos-cmimin-e-ri-per-derivate,-disa-naftetare-nuk-po-e-perfillin-vendimin

Përkundër që Ministria e Tregtisë, Industrisë dhe Ndërmarrësisë ka lëshuar vendimin që përcaktuar nivelin maksimal të çmimeve për karburante për 24-orët e ardhshme, siç duket tregtarët e naftës ende nuk janë duke përfillur këtë vendim për t’i ulur çmimet.

Sipas publikimeve në internet të bërë nga qytetarët, disa kompani që bëjnë shpërndarjen e derivateve, çmimi i naftës dizell për litër vazhdon të jetë 1.91 euro, ndërkaq për benzinë është ende 1.89 euro.

Në anën tjetër, kryetari i Shoqatës së Naftëtarëve, Fadil Berjani nuk ka qenë i qasshëm për Telegrafin për të komentuar se a po zbatohet ky vendim nga tregtarët e derivateve.

Njëra nga çmimoret e reja për derivate, publikuar nga qytetarët

Siç njofton MINT, çmimi maksimal i lejuar për naftë është 1.85 euro për litër. Kurse, çmimi maksimal i lejuar për benzinë është 1.74 euro për litër dhe ai për gaz është 0.78 euro.

“Çmimet e lartëcekura vlejnë për datën 27.06.2022 prej orës 10:00 dhe janë valide 24-orë nga data dhe ora e publikimit. Vendimi është marrë bazuar në nenin 5 të Udhëzimit Administrativ 03/2022 për Rregullimin e Çmimeve të Produkteve të Naftës dhe Karburanteve të Ripërtërishme dhe Masat e tjera Mbrojtëse, Ministria e Industrisë, Ndërmarrësisë dhe Tregtisë respektivisht Departamenti për Rregullimin e Tregut të Naftës”, thuhet në njoftimin e MINT-it.

Qeveria e Kosovës kishte miratuar një Udhëzim Administrativ me të cilin do të përcaktohet çmimi maksimal i lejuar për derivatet. Sipas ministres Rozeta Hajdari ky vendim pritet t’i mbrojë konsumatorët e konkurrencën dhe do të mënjanojë çrregullimet e çmimeve në treg.

Related posts

Kërcënimet e Serbisë për destabilizim pas vendosjes së reciprociteti, Kurti: Nuk jam votuar për ta bërë komentatorin e deklaratave të Beogradit

admin

Në Iran arrestohet një suedez nën akuza për spiunazh

admin

Në Shkup organizohet manifestimi tradicional i synetisë

admin