RTV AHIRETI
LajmeLajmetRajon dhe Botë

Rusia pretendon “kontroll të plotë” mbi rajonin ukrainas Luhansk

rusia-pretendon-“kontroll-te-plote”-mbi-rajonin-ukrainas-luhansk

Ministri rus i Mbrojtjes, Sergey Shoygu, i kumtoi presidentit rus Vladimir Putin se enklava ukrainase Luhansk, që vetëshpalli pavarësi, tashmë është plotësisht nën kontrollin e Moskës, transmeton Anadolu Agency (AA).

“Pas operacioneve të suksesshme ushtarake, forcat ruse dhe Milicia Popullore e Luhanskut vendosën kontroll të plotë mbi qytetin Lysychansk dhe disa vendbanimeve aty pranë”, tha Ministria ruse e Mbrojtjes në një deklaratë.

Në deklaratë theksohet se ministri Shoygu i raportoi Putinit “çlirimin e Republikës Popullore të Luhanskut”.

“Sipërfaqja e përgjithshme e territoreve të çliruara gjatë ditës së kaluar ishte 182 kilometra katrorë”, tha ministria.

Donetsk dhe Luhansk, dy enklava të rajonit ukrainas Donbas, në kufi me Rusinë, ishin skena e një kryengritjeje të mbështetur nga Rusia duke filluar në vitin 2014, kur Rusia aneksoi ilegalisht Gadishullin e Krimesë të Ukrainës.

Presidenti Putin njohu “pavarësinë” e këtyre dy enklavave pak para fillimit të luftës në Ukrainë më 24 shkurt.

Ashtu si me Krimenë, i gjithë Donbasi ende njihet ndërkombëtarisht si territor ukrainas dhe forcat e armatosura të vendit vazhdojnë të luftojnë për të.

Related posts

Çmim tejet i lartë i naftës në Kosovë, MINT përcakton çmimet për 24 orët e ardhshme

admin

BE përgatit planin emergjent për krizën energjetike

admin

“Frankfurter Allgemeine Zeitung”: Albin Kurti është politikan me përvojë dhe këmbëngulës

admin