RTV AHIRETI
FeaturedKosovëLajmeLajmet

Osmani nis vizitën zyrtare në Slloveni, pritet me nderime shtetërore nga presidenti Pahor

osmani-nis-viziten-zyrtare-ne-slloveni,-pritet-me-nderime-shteterore-nga-presidenti-pahor

Presidentja e Kosovës, Vjosa Osmani ka arritur për vizitë zyrtare në Slloveni.

Osmani është pritur me nderime shtetërore nga homologu i saj, Borut Pahor.

Gjatë kësaj vizite Osmani do t`i diskutoj mundësitë e thellimit të bashkëpunimit dhe raporteve ndërshtetërore.

Osmani do të zhvillojë takime edhe me udhëheqës të Parlamentit të Sllovenisë si dhe të Këshillit Kombëtar të Sllovenisë.

Kurse Forcave të Armatosura të Sllovenisë, Presidentja Osmani gjatë qëndrimit në këtë shtet do t`ua ndajë një dekoratë për kontributin për paqe dhe siguri në kuadër të misionit të NATO-s në Republikën e Kosovës, në të cilin përgjatë viteve kanë shërbyer mijëra ushtarë slloven.

Në agjendën e vizitës zyrtare të Presidentes Osmani në Slloveni do të jetë edhe takimi me mërgatën e Kosovës në Slloveni, ligjërata e organizuar nga Qendra për Perspektivën Evropiane dhe Bled Strategic Forum si dhe pjesëmarrja në shfaqjen “Zgjimi i pranverës”, bashkëprodhim i Teatrit Kombëtar të Kosovës dhe Qendrës për Arte dhe Komunitet- Artpolis, e cila do të jepet në Teatrin e Nova Goricës.

Related posts

Kina zgjeron stërvitjen ushtarake, ndërkombëtarët thirrje për ulje të tensioneve

admin

Rrëshqitja e dheut vret të paktën 32 persona në Kongo

admin

SBASHK i përgjigjet Nagavcit: Ekziston vendimi, orët e humbura nuk i zëvendësojmë

admin