RTV AHIRETI
LajmeLajmetRajon dhe Botë

Sulmohet një grua me mbulesë në Berlin, sulmuesi përdori dhunë verbale dhe fizike në restorant

sulmohet-nje-grua-me-mbulese-ne-berlin,-sulmuesi-perdori-dhune-verbale-dhe-fizike-ne-restorant

Një grua 39-vjeçare me mbulesë është sulmuar në Berlin nga një sulmues 37-vjeçar, i cili viktimës ia ka hequr shaminë duke e goditur në kokë dhe në pjesën e sipërme të trupit të saj, transmeton Anadolu Agency (AA).

E përditshmja gjermane ‘Der Tagesspiegel’ raportoi se sulmi i fundit ndodhi në një restorant në lagjen Weissensee, ndërsa theksoi se një tjetër sulm racist ndodhi edhe në lagjen Prenzlauer Berg të Berlinit të premten, kur një burrë 52-vjeç ofendoi dy gra në mënyrë racore.

E përditshmja tha se sulmuesi u arrestua dhe u dërgua në një klinikë për sjellje jonormale përpara se të lirohej.

Megjithëse Kushtetuta e Gjermanisë garanton lirinë e fesë të muslimanëve, veçanërisht gratë me shami, ato shpesh përballen me praktika diskriminuese në arsim dhe në tregun e punës.

Vitet e fundit, Gjermania ka qenë dëshmitare e rritjes së racizmit dhe islamofobisë, të ushqyer nga propaganda e grupeve neo-naziste dhe partisë së ekstremit të djathtë ‘Alternativa për Gjermaninë’ (AfD).

Gjermania, një vend me mbi 83 milionë banorë, ka popullsinë e dytë më të madhe muslimane në Evropën Perëndimore, pas Francës. Në mesin e afër 5.3 milionë muslimanëve të vendit, 3 milionë janë me origjinë turke.

Related posts

Komisioni për Arsim përfundon me përplasje, por pa zgjidhje për të dalë nga greva

admin

Kryeministri palestinez kërkon nga OKB-ja që të vendosë “patrullë vëzhguese” në Bregun Perëndimor

admin

Turqia denoncon grumbullimet e huaja ushtarake në Greqi

admin